உன்னைக் காண்கையில்...!!

நினைவில் நின்றவன்
என் கண்ணெதிரே நிற்க
விழி இமைக்காமல் அவனை
விசித்திரமாய் நான் நோக்க...!!

அருகில் நிற்கும் அவனை
அணைக்கத் துடிக்கும் நெஞ்சம்
அவசரமாய் மனம் மாற்றி
அங்கிருந்தே அகன்றதென்ன..!!

காரணம் நீ சொன்னாலும்
அதை நான் கருத்தில் கொண்டாலும்
என் கண்ணனைக் காண்கையில்
கட்டவிழ்ந்த கன்றாய் என்
காதல் மனம் செல்வதென்ன...!!

உன் மேல் கோபம் வருவதில்லை
அது வந்தாலும் நிற்பதில்லை...!
நீ பார்க்கும் பார்வையிலும்
பேசும் வார்த்தையிலும்
நான் பனித்துளியாய் கரைவதென்ன..!!

ஓர் நிமிடம் உன்னருகில் வந்தாலும்
ஒரு முறை உன் ஸ்பரிசம்
என் மேல் பட்டாலும்
நட்டு வைத்த பூச்செடியாய் நான்
நாணித் தான் போனதென்ன..!!
 
......அன்புடன் ஆனந்தி