ஆதவன் அயர்ச்சியில்
அப்புறத்தில் சென்று விட...
பிள்ளைச் சிரிப்பாய்
பிறை நிலா உந்தன்
வெள்ளைத் தோற்றம்...
எவரோ உன்னை...
எட்டிப் பார்ப்பதாய் எண்ணியோ
வேகமாய் அங்குமிங்கும்
வெட்கத்தில் மறைந்து திரிகிறாய்...
சூல் கொண்ட மங்கை போல்
சூழ்ந்திருக்கும் மேகக்கூட்டம்
கருத்தடர்ந்த பஞ்சுப்பொதியாய்
விம்மி வெடித்து விட
விமரிசையாய் காத்திருப்பு...
மேல தாளம் போல்
இடி மின்னல் இசை அமைக்க
இக்கணமே வருகிறேன் என்றே
இழை இழையாய் வரைந்தபடி
இப்பூமி முத்தமிட்டாய்...
கொட்டும் மழையில்
குதித்து நனைந்திட தூண்டும்
மழை உன்னைக் கொண்டாடியே
மனம் நிறைந்திட வேண்டும்..!
...அன்புடன் ஆனந்தி
(படம்: கூகிள், நன்றி)
