எவ்வாறு மறந்தாய் இன்று?

இதயத்தில் சுமக்க
இசைந்த உன்னுள்ளம்...
இயல்பாய் இருப்பதில்
இறுக்கம் எதற்கோ?

இரு கரம் நீட்டியே
அணைக்கா விடினும்
இனிதாய் ஓர் வார்த்தை
இயம்பத் தயக்கம் ஏனோ?

உனதருகில் நகர்கின்ற
ஒவ்வோர் நொடியும்..
உனக்குள் அமிழ்ந்து விட
ஆசை கொண்டேன்..

கண்களில் தொடர்ந்த
காதல் பயணம்...
கல்லறை வரையிலும்
தொடரக் கூடும்..

கண்களால் கைது செய்து
கள்வனே உன்னை
காலமெல்லாம் என்னில்
சிறை வைத்தேன்...

நெஞ்சைத் தொட்டு
நிஜமாய் சொல் ஒன்று..
எவ்வாறு எனை நீ
மறந்தாய் இன்று?

...அன்புடன் ஆனந்தி