நேற்று பேசியவை...!

அர்த்த ராத்திரியில்
அவன் நினைவில்...
அருகில் வந்த தூக்கமும்
அப்படியே ஓடி விட...

நேற்று பேசியவை
நிரந்தரமாய் நெஞ்சினில்..
நிமிஷம் கூட விடாமல்
நிறுத்தாமல் பேசினாயே...

நிச்சயம் தெரியும் உனக்கு
நீயின்றி நானில்லை என்றே..
பேசும் வார்த்தைகள்
பேதம் இன்றி வந்து விழ....

காற்றின் அசைவில் என்
கருங்கூந்தல் கண் மறைக்க
பேச்சு மூச்சு இன்றி
பேதை நான் விழிக்க...

என்ன?? புரிந்ததா என்றே
எனை நோக்கி நீ கேட்க...
எல்லாம் புரிந்தது என்றே
என்னிதழ் பதில் சொல்ல..

ஏற இறங்க எனைப் பார்த்து
ஏனிப்படி படுத்துகிறாய் என்றாய்
எப்படி உன்னிடம் சொல்வேன்
என்னுயிர் பறித்தது நீயே என்று..!

...அன்புடன் ஆனந்தி 



(படம்: நன்றி கூகிள்)