மூச்சுக் காற்றாய்..!!

விடிதலில் தொடங்கி
முடிதலில் அடங்கும்..
மூச்சுக் காற்றாய்
மோகன இசையாய்
முகமன் கூறி
முன் அமர்ந்து சிரிக்கும்..
விண் பார்த்து வியக்கும்
வேடிக்கை பேசி விளையாடும்
விழி வழி உயிர் மாற்றும்
வெகுளியாய் வெட்கப்படும்
மருண்டு ஓடும் மானாகும்
மிரட்டி விரட்டும் வேங்கையாகும்
அர்த்தமின்றி ஆர்ப்பரிக்கும்
ஆழமாய் அறிவுரை கூறும்
அன்பிற்கு அடங்கி போகும்
அதிகாரம் கண்டு வெகுண்டு எழும்
இதயம் தொலைத்தே ஏங்கி திரியும்
இரவு தொலைத்து உறக்கம் தேடும்..
காதலில் கவிதை பேசும்
கவிதையாய் காதல் வீசும்..!!

~அன்புடன் ஆனந்தி